( قوم البلد بتتحرك) هذه احدى شعارات بعض الاعلانات التلفزيونية الموجه التى تحث جموع المواطنين من الشباب على العمل وترك مقاعد البطالة على مقاهى مصر المحروسة ويقوم بتمويل تلك الحملات الاعلانية بعض رجال الاعمال والمستثمرين المصريين وناس تانية اللهم اجعل كلامنا خفيف عليهم .

هذا الاعلان الذى وصفه البعض بالاستفزاز وتهميش مشكلة البطالة التى طالما عانى منها الشعب المصرى على مر السنوات ولازال يعانى منها ومن جراء كوارثها ووصل الامر الى حد تحميل الشباب عبئها وحدهم ..

ولعل اهم واخطر ما أفرزته مشكلة البطالة ويتضح بصورة جلية الان هى الهجرة الغير شرعية لشباب واطفال مصر الى الخارج .

حيث خرجت علينا الحكومة المصرية ببيان استنكار تحمل فيه الشباب مسئوليتهم عن الحادث وتتنصل من تحملها لمسئوليتها فى انها جزء من مشكلة صنعتها بأيدها على مر سنوات طوال ……..

البلد أللى فيها رأسمالية جشعة عايزة تمص دم الغلابة ب 300 جنيه فى الشهر لعدد ساعات غير محدد دون رقابة وقانون ملزم من الدولة يبقى لازم تغرق .

البلد أللى فتحة ابوابها للاستيراد وللعمالة الاجنية بحجة عدم وجود ايدى عاملة يبقى لازم تغرق.

البلد أللى مفيهاش مياه نقية للشرب ومليانة عشوائيات يبقى لازم تغرق .

البلد أللى العامل فيها بيعمل اضراب عشان ياكل ويأكل عياله يبقى لازم تغرق .

البلد أللى مكتوب على كل هيئة ووزارة فيها أهلا وسهلا بالرشوة والفساد يبقى لازم تغرق .

مش كل دة أداء حكومى و أداءحكومات سابقة توالت على مصر فهبطت بها الى مستنقعات التخلف والتدهور ليس فقط فى بنيتها الاساسية والاقتصادية بل وفى سلوكيات واخلاقيات مواطنيها .

انما الامم الاخلاق ما بقيت فان ذهبت اخلاقهم ذهبوا

قوم البلد بتغرق